Elordalyqtar dárigerdiń onlaın-keńesin qalaı ala alady
NUR-SULTAN. QazAqparat – Áleýmettik medıtsınalyq saqtandyrý qorynyń Nur-Sultan qalasy boıynsha fılıaly karantındik sharalarǵa baılanysty shekteýlerdi eskere otyryp, elorda turǵyndaryna medıtsınalyq qyzmetterdi qashyqtan qalaı alýǵa bolatynyn túsindirdi, dep habarlaıdy QazAqparat tilshisi.
Elordada medıtsınalyq qyzmetterdi qashyqtan qalaı alýǵa bolady?
Salalyq mamandardyń keńesteri, telemedıtsına arqyly konsýltatsııalar, sondaı-aq rentgen túsirilimin qaıta oqytý, elektrokardıogramma tańbalaryn túsindirý qyzmetteri endi qashyqtan qabyldaý kezinde de qoljetimdi.
Buryn qashyqtan keńes berý sozylmaly aýrýlary bar naýqastardy (ýchaskelik jalpy praktıka dárigeri, terapevt, pedıatr) dınamıkalyq baqylaý kezinde qoldanyldy. Qashyqtan medıtsınalyq qyzmet kórsetýdiń erekshelikteri 2020 jylǵy 17 shildeden bastap kúshine engen «Halyq densaýlyǵy jáne densaýlyq saqtaý júıesi týraly» kodekste (129-bap) aıqyndalǵan.
Zamanaýı tehnologııalar men túrli baılanys arnalarynyń arqasynda medıtsınalyq uıymdar patsıentterge qashyqtan qyzmet kórsetý múmkindigine ıe bolyp otyr. Aldaǵy ýaqytta qashyqtan kórsetiletin qyzmetter tizimi keńeıtiledi.
Dárigerdiń onlaın-keńesin qalaı alýǵa bolady?
1. Óz emhanańyzdyń Call-ortalyǵy nemese basqa baılanys arnalary, mobıldik qosymshalar (bar bolsa) arqyly dárigerdiń keńesine jazylý kerek.
2. Keńes berý kúni men ýaqytyn tańdaý qajet. Sonymen qatar, salalyq mamannyń qabyldaýyna jazylý úshin aldymen, ýchaskelik dárigerden joldama alý kerek. Ol úshin ózińizdiń terapevt/jalpy praktıka dárigeriniń qabyldaýyna ótinim jiberesiz.
3. Tańdalǵan baılanys arnasy arqyly mamannan belgilengen ýaqytta qońyraý (aýdıo nemese vıdeo) kútińiz.
«Dárigerden keńes alý úshin emhanaǵa barýdyń qajeti joq. Dáriger keńesi naýqas qaı jerde bolmasyn, qashyqtan qoljetimdi. Sonymen qatar dáriger dári-dármekterge retsept jazyp bere alady. Syrqattama paraqshalaryn, zerthanalyq zertteýlerdiń, tekserýlerdiń nátıjelerin de aıtyp beredi. Syrqattar men jaraqattardy dıagnostıkalaý, emdeý, medıtsınalyq ońaltý jáne aldyn alý úshin, zertteýler men baǵalaý úshin medıtsınalyq qyzmetter sandyq tehnologııalar arqyly qashyqtan usynylady. ıAǵnı, osy qyzmetterdi alý úshin emhanaǵa kelýdiń qajeti joq», – deıdi «Áleýmettik medıtsınalyq saqtandyrý qory» KEAQ Nur-Sultan qalasy boıynsha fılıaly dırektorynyń orynbasary Aınagúl Dáýletshına.
Ýchaskelik dárigerdiń qashyqtan keńes berýi alǵashqy medıtsınalyq-sanıtarlyq kómek beretin medıtsınalyq uıymdardyń (emhanalardyń) jan basyna shaqqandaǵy normatıv tólemi sheńberinde TMKKK tizbesine, al salalyq mamandardyń konsýltatsııalary –naqty kórsetilgen qyzmetteri (TMKKK boıynsha qyzmet kórsetiletin sozylmaly, áleýmettik máni bar jáne ınfektsııalyq aýrýlardan basqa) MÁMS paketine kiredi.
Qandaı da bir suraqtar týyndaǵan jaǵdaıda azamattar Medıtsınalyq saqtandyrý qorynyń Qoldau 24/7 mobıldik qosymshasy arqyly júgine alady.
