Elordalyqtar búginnen bastap koronavırýsty jedel anyqtaıtyn testileýden ótedi
NUR-SULTAN. QazAqparat - Koronavırýsty jedel anyqtaıtyn test elordaǵa jetkizildi. Bul týraly Ortalyq kommýnıkatsııalar qyzmetindegi brıfıngte Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qısyqova aıtty, dep habarlaıdy QazAqparat tilshisi.
«Dál qazirgi ýaqytta Nur-Sultan qalasyna jedel test jetkizildi. Jedel testileý Bas memlekettik sanıtar dárigerdiń qaýlysyna sáıkes epıdemıologııalyq kórsetkishter boıynsha qatań júrgiziledi. Eń birinshi kezekte koronavırýs indeti taralýynyń aldyn alý jumystaryna jumyldyrylǵan memlekettik jáne memlekettik emes organdardyń qyzmetshileri, medıtsınalyq-sanıtarlyq uıymdardyń baqylaýynda turǵan dıspanserlik toptaǵy tulǵalar men medıtsına qyzmetkerleri testileýden ótedi. Bul jumystar búginnen bastalady»,- dedi Sáýle Qısyqova.
