Elordalyqtar bir aı boıy tegin zańdyq qyzmetter kórýge múmkindik alady
ASTANA. 30 mamyr. QazAqparat - Astanada bir aı boıy qala turǵyndary tegin zańgerlerdiń kómegin alý múmkindigi bar. Osy jyldyń 28 mamyrynan 29 maýsymyna deıin qalalyq Ádilet departamentinde, sondaı-aq, Almaty, Esil, Saryarqa aýdandarynyń ádilet basqarmalarynda Ashyq esik kúni ótedi. Bul týraly astana.kz habarlaıdy.
«Osy kúnderi azamattardy: Ádilet departamenti azamattardyń hal aktilerin tirkeý jáne apostılırlendirý jumystaryn uıymdastyrý bóliminiń jetekshisi G.Saǵyndyqova qabyldaý júrgizedi (meken-jaıy Jeńis dańǵyly, 15)»,- dep habarlaıdy departamenttiń baspasóz qyzmeti.
Sonymen qatar, turǵyndardy qabyldaý qalanyń úsh aýdanynda da ótkiziledi. Almaty aýdanynda Imanov kóshesi, 31 meken-jaıynda Almaty aýdany ádilet basqarmasynyń jetekshisi A. Raqyshev qabyldaıdy, Esil aýdanynda aýdannyń ádilet basqarmasynyń jetekshisi A. Nuǵymanova Saraıshyq kóshesi, 11 meken-jaıynda qabyldaıdy. Saryarqa aýdanynda turǵyndardyń saýalyna Saryarqa aýdany ádilet basqarmasynyń jetekshisi A. Álıeva jaýap beredi. Bul Seıfýllın kóshesi, 29 meken-jaıynda ornalasqan.
Vedomstvodan málim etkendeı, turǵyndardy qabyldaý kún saıyn saǵat 9.00-18.30 aralyǵynda júrgiziledi. (13.00- 14.30 úzilis ýaqyty). Senbi, jeksenbi - demalys kúnder.
