Elordalyqtar balkonda Qazaqstan Týyn ile bastady

NUR-SULTAN. QazAqparat – Qazaqstan Respýblıkasynyń Táýelsizdigi kúni qarsańynda astanalyqtar «Meniń Týym. Meniń Otanym!» chellendjine jappaı qoldaý bildirýde, dep habarlaıdy QazAqparat.

Elorda ákimdiginiń Instagram paraqshasynda jarııalanǵan aqparatqa sáıkes, qala turǵyndary aktsııany qoldap, balkondarynda Memlekettik Týdy ile bastady.

«Búgin bizdiń bárimiz birigip, Otanymyzǵa degen qurmetimizdi bildirip jatyrmyz! Mundaı sátterde boıymyzdaǵy biryńǵaı rýh, patrıotızm aıqyn baıqalady. Men qazaqstandyqtardyń bárin Táýelsizdik kúnimen quttyqtaımyn. Halqymyz órkendep, gúldene bersin», - dedi qala turǵyny Uljan Myrzageldıeva.

Chellendjde sonymen qatar Úkimettik emes uıymdar men basqa da uıymdardyń ókilderi qatysýda. Osylaısha qalalyqtar qazaqstandyqtardy aldaǵy uly meırammen quttyqtap, aktsııaǵa ún qosýǵa shaqyrady. Jazba, foto nemese vıdeony #MenińTýym #MenińTýymMenińOtanym #MoıFlagMoıaRodına heshtegimen jarııalaý arqyly belsendilikti áleýmettik jeli arqyly da kórsetýge bolady.