Elordalyqtar Ata zańyn jaqsy biletindikterin dáleldedi

ASTANA. 28 tamyz. QazAqparat - Elordada elimizdiń basty merekesi - Konstıtýtsııa kúnine oraı ótkizilgen «QR Konstıtýtsııasyn bilesiń be?» aktsııasynyń qorytyndysy boıynsha qala turǵyndary Ata zańdy jaqsy biletinderin dáleldedi. Bul týraly astana.kz saıtyna Jastar saıasaty máseleleri basqarmasynan habarlady.

Keshe, 27 tamyzda «Konstıtýtsııa kúni» jazýy bar fýtbolkalar kıgen eriktiler qala kóshelerinde júrip, jaıaý júrginshilerdi kele jatqan merekemen quttyqtap, olardyń QR Konstıtýtsııasy boıynsha bilimin tekserdi.

«Elorda turǵyndary suraqtarǵa jaýap berýge yqylas tanytyp, jaqsy nátıjeler kórsetti. Belsendi qatysýshylarǵa «QR Konstıtýtsııa kúni» belgisimen áshekeıler men magnıtter túrinde estelik syılyqtar taratyldy»,- deıdi basqarmadaǵylar.

Aktsııa QR Konstıtýtsııa kúnin atap ótý aıasynda qalalyq Jastar saıasaty máseleleri basqarmasynyń qoldaýymen «Basis» ÚEU Resýrstyq ortalyǵy» QB uıymdastyryldy. Іs-sharanyń maqsaty - azamattardyń QR Konstıtýtsııasynyń negizgi baptary boıynsha bilimin arttyrý jáne jastardy óńirdiń qoǵamdyq-saıası ómirine tartý bolyp tabylady.