Elordalyqtar «Astana»-«Legııa» qarymta kezdesýin ashyq aspan astynda tamashalady
ASTANA. QazAqparat - Keshe túnde Varshavada ÝEFA Chempıondar Lıgasynyń úshinshi irikteý kezeńiniń qarymta kezdesýinde «Astana» men Polshanyń «Legııa» komandasy oınaǵan bolatyn.
Bul oıyndy «Qazmedıa ortalyǵynyń» alyp ekrandarynan tamashalaý úshin jınalǵan elordalyqtardyń qarasy mol boldy, dep habarlaıdy QazAqparat.
Aıta keteıik, «Astana» «Legııa» komandasyna 0:1 esebimen jol berdi. Birinshi kezdesýde eki dop aıyrmasymen jeńiske jetken Qazaqstan chempıonynyń pleı-off kezeńine shyǵýǵa múmkindigi mol bolǵan edi. Býkmekerler match aldynda osylaı topshylaǵan. Matchtyń 76-mınýtynda ıAkýb Chervınskı baspen gol salyp, esep ashty - 1-0.
Chempıondar lıgasynyń pleı-off kezeńiniń jerebe tartý rásimi 4 tamyzda ótedi. Týrnırdiń osy kezeńinde jeńilgen kúnniń ózinde qazaqstandyq komanda Eýropa lıgasynyń toptyq kezeńinde óner kórsetýge múmkindik alady. Týrnırdiń bul kezeńine joldama alǵan «Astana» komandasynyń qarsylasy tómendegi klýbtardyń biri bolady: «Olımpıakos» (Grekııa), «Seltık» (Shotlandııa), «Kopengagen» (Danııa), APOEL (Kıpr), «Marıbor» (Slovenııa). 
Eske sala ketsek , EKSPO-2017 kórmesi aıasynda 5 tamyz kúni elordanyń «Astana Arena» stadıonynda «EXPO 2017 Football Cup» halyqaralyq fýtbol týrnıri bastalady. Elordalyq stadıonda Qazaqstan, Reseı, Italııa, Germanııa, Portýgalııa qurama komandalary men álem quramasy oınaıdy. Týrnırde Dıno Badjo, Marko Delvekkıo, Nýný Manıshe, Jan-Per Papen, Roman Shırokov, Valerıı Karpın, Aleksandr Fılımonov syndy álemdik fýtboldyń ardager juldyzdary óner kórsetedi.
