Elordalyqtar «Astana - Arqaý» túrki mýzykasy festıvalin tamashalaıdy
ASTANA. QazAqparat - Elorda turǵyndary men qonaqtary úsh kún boıy «Astana - Arqaý» túrki mýzykasy festıvalin tamashalaıdy. Bıyl festıval kórermenderge jańa erekshe mýzykalyq ashylymdar usynady. Bul týraly astana.kz saıtyna Astana qalasynyń 16 jyldyǵyna arnalǵan merekelik sharalardy daıyndaý jáne ótkizý jónindegi uıymdastyrý komıtetiniń medıa-shtabynan habarlady.
Sońǵy alty jyl ishinde festıvalǵa barsha túrki halyqtarynyń mýzykalyq murasyn jalǵastyrǵan 450 mýzykant pen ǵalym qatysty. Uıymdastyrýshylardyń aıtýynsha, aldaǵy sharaǵa Qalmaqııa, Chývash, Altaı, Bashqurtstan, ıAkýtııa, Tyva, Daǵystan, Tatarstan, Qyrǵyzstan, Ázerbaıjan, Ózbekstan, Mońǵolııa, Túrikmenstan, Túrkııa jáne Qazaqstan mýzykalyq dástúriniń muragerleri óner kórsetedi. Túrki halqynyń murasyn dáriptegen aıtýly festıvalda sheber aspapshylarmen qatar, jeke oryndaýshylar, kórnekti mýzykalyq jáne bı ujymdary óner kórsetedi. Alǵash ret festıval baǵdarlamasynda «baǵlama» kóne túrik aspabynyń sazdy úni áýeleıdi.
Baǵdarlamaǵa sáıkes 4 shildede festıvaldiń ashylýy jáne «Mýzykanyń qaınar kózi» atty shoý uıymdastyrylady.
5 shildede «Áýen. Yrǵaq. Bı» - qatysýshylar óner kórsetedi, 6 shildede festıvaldiń jabylýy bolady.
Kontsertter saǵat 17.30 «Astana Opera» memlekettik opera jáne balet teatrynyń kameralyq zalynda ótedi .
