Elordalyqtar ashyq aspan astyndaǵy baletti tamashalaý múmkindigine ıe boldy (FOTO)
ASTANA. QazAqparat - Qala kúni qarsańynda elorda turǵyndary men qonaqtary «Baıaderka» baletin teatrda emes, ashyq aspan astynda tamashalady, dep habarlady www.24.kz.
Táýelsizdik saraıynyń aldynda «Astana Opera» teatrynyń juldyzdary keremet qoıylymdy ónersúıer qaýymnyń nazaryna usyndy. Elordamyzdyń ortalyq alańynda Lıýdvıg Mınkýstyń «Baıaderka» atty qoıylymy kórsetildi. Kún raıynyń qubylmalylyǵyna qaramastan, ónersúıer qaýym jınalyp, otyratyn bos oryn qalmady desek bolady.
Árıne, mundaı spektakl - halyq úshin úlken tosyn syı. Osyndaı kórinis Astanada tek bir-aq ret, ıaǵnı byltyr qala kúnine oraı bolǵan. Ótken jyly munda «Aıda» baleti qoıyldy. Bıyl da uıymdastyrýshylar áserli de jarqyn, aýqymdy beıneınstallıatsııalardy qoldanyp, halyqtyń kóńilinen shyǵatyn baletti kórsetip otyr.
Aıta keteıik, búgin biz sahna tórinde qazaqstandyq áıgili balet maıtalmandary Mádına Baspaeva, Taıyr Gataýov pen Gaýhar Ýsına óner kórsetti. Sondaı-aq spektaklge taǵy 120-ǵa jýyq balet ártisi qatysty. Munda qoıylǵan dekoratsııalardy stsenograf Etsıo Frıdjerıo ázirlegen. Al sahnalyq kıimder «Oskar» syılyǵynyń ıegeri Franko Skýarchapınonyń jumystary bolyp tabylady. Ártisterdiń bıin áserli etip kórsetý úshin 20 shaqty proektor qoldanyldy.
