Elordalyqtar Á.Moldaǵulovanyń memorıaldyq keshenine gúl shoqtaryn qoıdy (FOTO)
Shara barysynda sóz alǵan S.Seıfýllın atyndaǵy Qazaq agrotehnıkalyq ýnıversıtetiniń rektory Aqylbek Kúrishbaev jıylǵan qaýymdy Uly Jeńistiń 70 jyldyǵymen jáne 7 mamyr Otan qorǵaýshylar kúnimen ózi basshylyq jasaıtyn bilim ordasynyń ujymy atynan shyn júrekten quttyqtady.
«Uly Jeńis kúni - eń aldymen barsha qazaq halqynyń, Qazaqstan halqynyń jeńisi, meıirimdiliktiń jeńisi. Bul kún bolashaqqa jol ashqan uly mereke. Qazaqstan Uly Otan soǵysyna erekshe úles qosty. Árbir tórtinshi qazaqstandyq maıdanǵa attanyp, soǵysqa qatysty. Maıdanǵa 1 mln. 366 myń Qazaqstan azamaty qatysyp, onyń 497-si Keńes Odaǵynyń batyry ataǵyn aldy. Qazaqta «Otany birdiń júregi bir» degen jaqsy sóz bar. Búgin sol maıdanda qaza tapqan ata-babalarymyzǵa, Uly Otan soǵysynyń ardagerlerine, tylda jumys istegen ardagerlerimizge basymyzdy ıip, taǵzym etemiz», - dedi ol.
Saltanatty sharanyń ashylýy rásiminen keıin Qazaq agrotehnıkalyq ýnıversıteti stýdentteri ázirlegen merekelik kontsert uıymdastyryldy. Ony Uly Otan soǵysynyń ardagerleri, tyl eńbekkerleri, elordadaǵy №15 jáne №25 orta mektepterdiń oqýshylary jáne qala turǵyndary tamashalady.
