Elordalyqtan iri kólemdegi mefedron esirtki zaty tárkilendi

ASTANA. QazAqparat - Elordadaǵy túngi klýbtardyń birinde mefedron satylǵan, dep habarlaıdy QazAqparat polisia.kz cilteme jasap habarlaıdy.

Kúdiktiniń jastar jıi ýaqyt ótkizetin oıyn-saýyq mekemesinde jumys istegeni anyqtaldy. Ol turaqty tutynýshylary bar klýbta mefedron satýdy uıymdastyrǵan.

«22 jastaǵy elorda turǵynyn tintý barysynda jigittiń shulyǵynan asa iri mólsherdegi mefedron esirtki zaty tárkilendi. Ol qamaýǵa alyndy. Atalǵan faktige qatysty sotqa deıingi tergeý amaldary júrgizilip jatyr», - delingen polıtsııa habarlamasynda.