Elordalyq jyljymaly densaýlyq pýnkti «Senim» shaǵyn aýdanynyń turǵyndaryn tekserdi
ASTANA. 22 tamyz. QazAqparat - №4 qalalyq emhana men jyljymaly medıtsınalyq keshen (JMK) Astananyń shalǵaı jatqan aýdany «Senim» ODA bolyp qaıtty. Bul týraly astana.kz saıtyna Densaýlyq saqtaý basqarmasynan habarlady.
Keshende rentgen, ÝDZ, EKG ornatylǵan, onda tar sheńberli mamandyq dárigerleri jumys isteıdi. Medıtsına qyzmetkerleri jedel ádis arqyly qandaǵy qant deńgeıin anyqtap, arterıaldyq qysymdy ólshep, qajet bolǵan jaǵdaıda, negizinen joǵary kórsetkishter tirkelgende, konsýltatsııalar berdi.
Eske salaıyq, «Salamatty Qazaqstan-2030» baǵdarlamasy aıasynda elimizde aýrýdy taralýdyń erte kezeńinde anyqtaý úshin skrınıngter ótkiziledi. Halyqqa josparly medıtsınalyq tekserý júrgiziledi. Bul túrli syrqattardyń aldyn alady jáne anyqtalǵan aýrý ýaqytyly emdeýge múmkindik beredi. Qala turǵyndary emhanalarǵa barsa, shalǵaı jatqan aýyl turǵyndary úshin bul qıynǵa soǵady. Bul úshin jyljymaly medıtsınalyq keshen qyzmet kórsetedi. Sonyń arqasynda halyqty aldyn alý skrınıngtik tekserýlermen qamtý 70-75 paıyzǵa jetip otyr.
Densaýlyq saqtaý basqarmasynyń habarlaýynsha, qazirgi ýaqytta kóshpeli medıtsınalyq keshen Kóktal kentinde ornalasqan.
