Elordalyq júrgizýshilerge budyrly dóńgelekti kúnde aýystyryp otyrý yńǵaısyzdyq týǵyzady - QR ІІM basshysy
ASTANA. QazAqparat - Astana aýmaǵynda budyrly shegesi bar dóńgelekti kúndelikti aýystyryp otyrý azamattar úshin yńǵaısyzdyq týǵyzady. Bul týraly búgin Ortalyq kommýnıkatsııalar qyzmetindegi brıfıngte QR Іshki ister mınıstri Qalmuhanbet Qasymov málim etti.
«Bunyń mán-jaıyn men bilmeımin, ıaǵnı budyrly shegesi bar dóńgelekterdiń keltiretin zııany týraly salanyń mamandary naqtylaý kerek. Ekinshiden, qala ákiminiń elordanyń joldary taza bolǵandyqtan, kádimgi dóńgelekpen júrýge bolady degen pikiri de durys. Biraq, júrgizýshiler kúndelikti qala aýmaǵynan tys joldarǵa shyǵady. Sondyqtan kúnde budyrly shegesi bar dóńgelekti aýystyryp otyrý yńǵaısyzdaý bolady», - dedi mınıstr. Osy oraı ol tehnık mamandarǵa bul baǵytta tıisti tapsyrmalar berilgenin, olar zerdeleý sharalary júrgizetinin atap ótti. Esterińizge sala keteıik, ótken aptanyń sońynda elordany odan ári damytý jónindegi keńeste qala ákimi Imanǵalı Tasmaǵambetov jóndeýden ótken joldardyń tez buzylýyndaǵy sebepterdiń biri kólikterde budyrly shegesi bar dóńgelekterdi paıdalanýǵa baılanysty ekenin atap ótti. Onyń sózine qaraǵanda, Astanada 1300 iri nysan salynyp jatyr. Osy oraıda jyl saıyn qala kóshelerimen 700-ge jýyq beton aralastyrǵysh jáne ózge de júk kólikteri qozǵalady. Bul kólikter jyl saıyn mıllıondaǵan reıster jasaıtynyna toqtalǵan I. Tasmaǵambetov, «olar taqtatastardy, kirpishterdi jáne ózge de aýyr júkterdi tasymaldaıdy. Buǵan qosa joldarǵa 6 aı qys pen qala kóshelerindegi 400 myń mashına áser etedi. Budyrly shegesi bar dóńgelekterdi salyp alǵan kólikter qys aılarynda asfalttyń bir santımetr qabatyn qyryp túsiredi», - deıdi ákim. Osy oraıda qala aýmyǵynda budyrly shegesiz dóńgelektermen júrý kerektigi aıtyldy.
