Elordalyq júrgizýshilerdiń qaryzy 37 mln teńgeden asty
NUR-SULTAN. QazAqparat – Elordalyq júrgizýshilerdiń bıýdjetke qaryzy 37 mıllıon teńgeden asty. Bul týraly QazAqparat Polıtsııa departamentine silteme jasap habarlaıdy.
Elordada «Boryshker» jedel-aldyn alý sharasy bastalǵan sátten bastap polıtsııa qyzmetkerleri jalpy somasy 37 mıllıon teńgeni quraıtyn 6 myń habarlamany taratqan.
«Jedel aldyn alý sharasy kezinde boryshker júrgizýshilerden shamamen 6 mıllıon teńge óndirildi. Jalpy alǵanda, kólik quralyn júrgizý quqyǵyna ıe bolýy úshin qajetti qujaty joq (saqtandyrý polısi), jalǵan memlekettik nómiri bar jáne Qazaqstan Respýblıkasynyń jol qozǵalysy erejelerin buzǵany úshin tıisti qujattary joq júrgizýshilerge qatysty 10 avtokólik kommýnaldyq turaqqa qoıyldy», - delingen habarlamada.
