Elordalyq júrgizýshiler demalys kúnderi jol erejesin 1300-den astam ret buzdy
ASTANA. 25 aqpan. QazAqparat - Elordalyq júrgizýshiler demalys kúnderi jol erejesin 1306 ret buzdy, dep habarlady Astana qalalyq ІІD Jol polıtsııasy basqarmasynan.
Vedomstvonyń atap ótýinshe, 150 júrgizýshi jyldamdyq rejimin asyra kóligin júıtkise, 27-si qozǵalystyń qarsy betine shyǵyp ketken. Al 81-i kóligin basqaryp kele jatyp uıaly baılanysty paıdalanǵan, taǵy 165-i jol jıegine qoqys tastaǵan. Sondaı-aq 131 júrgizýshi qaýipsizdik beldigin taqpasa, 234-i jaıaý júrginshige jol bermegen.
Esterińizge sala keteıik, QR «Ákimshilik quqyq buzýshylyq týraly» kodeksiniń 473-babyna sáıkes, jol erejesin buzǵany úshin 5 aılyq eseptik kórsetkish kóleminde (8655 teńge), al birneshe ret buzǵany úshin 15 AEK (25965 teńge) kóleminde aıyppul salý nemese 3 táýlikke ákimshilik tutqynǵa alý kózdelgen.
