Elordalyq júrgizýshiden 234,69 gramm esirtki tárkilendi
ASTANA. 11 shilde. QazAqparat - Keshe, 10 shilde kúni jedel izdestirý jáne arnaıy maqsattaǵy sharalary barysynda Astana qalalyq ІІD Esirtki bıznesine qarsy kúres qyzmetkerleri Jol polıtsııasy qyzmetkerlerimen birigip,
elordadaǵy Abaı jáne Sh. Ýálıhanov kósheleriniń qıylysynda «Toyota Rrevia» avtokóliginiń 38 jastaǵy júrgizýshisin ustady. Urlyq pen esirtkige qatysty qylmysy úshin budan buryn da sotty bolǵan astanalyq azamattyń kóliginen 234,69 gramm esirtki zaty tárkilendi. Bul týraly ІІM baspasóz qyzmetinen habarlandy.
ІІM Esirtki bıznesine qarsy kúres komıteti tóraǵasynyń orynbasary Janat Bıtenovtyń aıtýynsha, qazirgi kúni atalǵan oqıǵaǵa qatysty qylmystyq is qozǵalyp, tergeý amaldary júzege asýda.
Budan bólek, keshe Qyzylorda oblysy ІІD Esirtkige qarsy kúres arnaıy bólimshesiniń qyzmetkerleri jedel izdestirý sharalary barysynda Qyzylorda-Qumkól avtotrassasynyń 25-i shaqyrymynda 35 jastaǵy qyzylordalyqty ustady.
Aqparatqa súıensek, ustalǵan azamat aıdaladaǵy ashyq alańqaıǵa esirtki ósimdigi bolyp tabylatyn qarasorany ósirýmen aınalysqan. ІІO qyzmetkerleri atalǵan aýmaqty qaraý barysynda ustalǵan azamattyń arnaıy egip ósirgen 1036 túp qarasora kóshetterin anyqtady, saraptama qorytyndysyna oraı, ósimdik esirtki túrine jatqyzyldy.
Qazirgi tańda ustalǵan qyzylordalyq azamatqa qatysty «Esirtkilik ósimdikterdi zańsyz ósirgendigi» boıynsha QR Qylmystyq kodeksiniń 262- baby, 2-tarmaǵyna sáıkes is qozǵaldy.
