Elordalyq júrgizýshi kóligine nómirdi jasyratyn qurylǵy ornatyp alǵan
NUR-SULTAN. QazAqparat – Elordanyń patrýldik polıtsııa qyzmetkerleri Qoshqarbaev-Tólebaev kósheleriniń qıylysynda memlekettik tirkeý nómiri joq Lexus IS300 kóligin toqtatty, dep habarlaıdy QazAqparat tilshisi.
Nur-Sultan qalalyq Polıtsııa departamentiniń málimetinshe, ishki ister organy qyzmetkerleri kólikti qaraý barysynda memlekettik tirkeý nómirin jasyrýǵa múmkindik beretin arnaýly jıektemeniń bar ekendigin anyqtady. 24 jastaǵy júrgizýshi ornatyp alǵan jıekteme memlekettik nómirdiń tsıfr jáne árip belgilerin kólegeıleýge múmkindik beredi.
«Júrgizýshige memlekettik tirkeý nómiri belgilerin anyqtaýǵa kedergi keltiretin arnaýly qurylǵyny qoldaný arqyly kólik quralyn basqarǵany úshin QR Ákimshilik quqyq buzýshylyq týraly kodekstiń 590-baby 4-tarmaǵymen ákimshilik hattama toltyryldy. Júrgizýshi sot sheshimimen 20 AEK mólsherinde aıyppul tóleýi nemese 1 jylǵa kólik quralyn júrgizý quqyǵynan aıyrylýy múmkin. Arnaýly jıekteme tárkilenip, quqyq buzýshynyń kóligi kommýnaldyq avtoturaqqa qoıyldy», - dep atap ótedi vedomstvodan.
Foto: kazpravda.kz
