Elordalyq jumyssyzdardyń basym bóligi - áıelder
Jyl saıyn elordaǵa shamamen 25 myń adam keletindigin atap ótken ol: «Bizdiń ortalyqta resmı túrde 8046 jumyssyz tirkelgen. Onyń shamamen 70 paıyzyn, ıaǵnı 5 myńdaıyn jumyssyz áıelder quraıdy. Jumyssyzdardyń jalpy sanynyń jartysynan astamy 29 jasqa deıingi jastar. Demek, Astanada jumyssyz áıelder kóp», - dedi.
Onyń atap ótýinshe, elordada býhgalter, shashtaraz syndy mamandyqtarǵa suranys múldem joq dese bolady. Al qurylysshy, elektrık, santehnık syndy qurylys salasynyń mamandyqtary jetispeıdi.
Óz kezeginde «Nur Otan» HDP Astana qalalyq fılıaly tóraǵasynyń birinshi orynbasary Qaırat Jańabergenov osyndaı jıyndar kezinde «Jumyspen qamtý-2020» baǵdarlamasyn júzege asyrýdaǵy olqylyqtardy sheshýge basa nazar aýdarý qajettigin basa aıtty. «Osy máselelerdi sheshý úshin baǵdarlama aıasynda memleket 1 mlrd. teńgeden astam qarjy bólip otyrǵandyǵyn túsiný kerek. Erteń Jumyspen qamtý ortalyǵy, Halyqty áleýmettik qorǵaý jáne Bilim berý basqarmalary kináli bolyp shyǵýy múmkin. Memleket berdi, al sizder eshnárese isteı almadyńyzdar. Men qoǵamda otqa maı quıyp, «Qabiletsizder, olar tipti qoldaryna aqsha berse de ózderine júktelgen mindetterdi atqar almaıdy», dep óre túregeletinderdiń bar ekendigine senimdimin», - dedi ol.