Elordalyq jumys berýshiler medıtsınalyq anyqtamalardyń rastyǵyn teksere alady
ASTANA. QazAqparat - «SMART medıtsına» aqparattyq bazasy iske qosylǵannan keıin jumys berýshilerge medıtsınalyq anyqtamalardyń rastyǵyn tekserýge múmkindik beriledi, dep habarlaıdy elorda ákimdiginiń medıa ortalyǵy.
«Elektrondy aqparattar bazasy oǵan engizilgen barlyq málimetterdi saqtap otyrady. Qandaı da bir anyqtamany alý úshin patsıent medıtsınalyq mekemege júginedi. Sáıkesinshe bilgili bir dárigerge joldama alyp «iz qaldyryp» ketedi», - dedi qalalyq máslıhatta ótken jıynda Astana qalasynyń densaýlyq saqtaý basqarmasynyń jetekshisi Kamaljan Nadyrov.
Onyń aıtýynsha patsıenttiń ıdenfıkatory onyń JSN bolyp tabylady.
«Biryńǵaı málimetter bazasynan kez kelgen jumys berýshi kirip, jumysshy bergen anyqtamanyń rastyǵyn teksere alady», - basqarma jetekshisi.
Aıta keteıik, «SMART medıtsına» jobasy Astanada 2018 jyldyń sońyna deıin qoldanysqa engiziledi dep josparlanǵan. Joba birneshe baǵyt boıynsha jumys isteıdi. Atap aıtqanda patsıentterdiń medıtsınalyq málimetteri biryńǵaı aqparattyq bazaǵa engizilip, bul dárigerlerdiń qaǵazbastylyq jumysyn 30 paıyzǵa azaıtady.
