Elordalyq jigit joǵalǵan ákesin izdeýde
ASTANA. QazAqparat - Elordada 56 jastaǵy azamat joǵalyp ketti. Ákesiniń joǵalǵanyn Feısbýk arqyly habarlaǵan Sáken Álibekov ony kórgender bar bolsa, habarlasýyn suraıdy.
Bul týraly «QazAqparat» agenttigi habarlaıdy.
«Dostar, sizderdiń kómekterińiz qajet. Alla meni jáne meniń jaqyndarymdy mundaı baqytsyzdyqtan qalqalap turady dep ár ýaqytta oılaıtynmyn. Degenmen, eshkimde tosyn jaıttan qorǵalmaǵandyǵyna kezekti ret kóz jetkizdim. 2016 jylǵy 8 qazan kúni tańerteń saǵat 10:00-de 1960 jyly dúnıege kelgen Álibekov Serik Keńesuly Astana qalasy Ertis kóshesi, 41-úı mekenjaıynan shyǵyp ketip, qaıta oralmady. Bul meniń ákem. Ony sońǵy ret «Máskeý» turǵyn úı kesheni aýdanynan, Ýálıhanov pen Imanov kósheleriniń qıylysynan kórgen»,- delingen onyń jazbasynda.
Sákenniń sıpattaýynsha, ákesi aryqsha kelgen, býryl shashty, oń aıaǵyn syltyp basady. Ústinde qara kúrteshe, qara-kók tústi djınsy bolǵan.
«Ózimen birge esh qujaty bolmaǵan. Buǵan deıin úıden ketip qalǵan emes. Ol esin joǵaltýy nemese aýyr jaǵdaıǵa dýshar bolýy múmkin», - dedi ol.
Sonymen qatar Sáken ákesi jaıynda qandaı da bir aqparat bilýshilerdi myna telefon nómirlerine habarlasýyn suraıdy: 8 707 848 43 26, 8 707 848 4328, 8 707 844 03 12, 7 778 590 93 17.
