Elordalyq jedel járdem dárigerleri ızraıldik áriptesteriniń tájirıbesin qabyldaýda
ASTANA. QazAqparat - Astanada 13 shildeden bastap jedel medıtsınalyq járdemniń jumysyn jetildirý úshin Magen Davıd Adom Izraıl ulttyq shuǵyl kómek kórsetý qyzmetiniń jetekshi mamandarynyń qatysýymen trenıng ótedi, dep habarlaıdy qalalyq ákimdiktiń baspasóz qyzmeti.
Dárigerler jaraqat alǵan kezde aýrýhanaǵa jatqyzǵanǵa deıin kómek kórsetý, júrek-ókpe reanımatsııasy kezinde shuǵyl kómek kórsetý standarttary jáne t.b. boıynsha kýrstardan ótedi. Oqý barysynda sımýlıatsııalyq tehnologııalar paıdalanylady.
Trenıng №6 qalalyq emhananyń shaǵyn stantsııasynda 16 shildege deıin ótedi. Barlyǵy 30 dáriger men feldsher bilim alýda.
Aıta keteıik, «Astana» oqý-klınıkalyq ortalyǵy Izraıldiń jetekshi klınıkalarymen belsendi jumys isteıdi. Ústimizdegi jyly elordalyq dárigerler Tel-Avıvte bir apta boıy jedel medıtsınalyq kómek kórsetýdiń tıimdi ádisteri boıynsha taǵylymdamadan ótip, ızraıldik áriptesteriniń jumysymen tájirıbe júzinde tanysty, Tel-Avıv aýrýhanalaryn, paramedıkterdi oqytýǵa arnalǵan sımýlıatsııalyq trenıng-ortalyqtardy aralady.
