Elordalyq jedel járdem brıgadasynyń bir kúni

NUR-SULTAN. QazAqparat – Ómirimizdi jedel járdem kómeginsiz elestetý múmkin emes. Densaýlyǵymyz syr berip, jaqyndarymyzdyń ómirine qaýip tóngen kezde de solardyń kómegine júginemiz. Al olar kún-tún demeı, aptap ystyqta da, boranda da, demalys, meıram kúnderi de tynbaı eńbek etip, adamdarǵa kómek kórsetýge umtylady. Olardy búgingi kúnniń naǵyz batyrlary desek te artyq emes. Osyǵan oraı QazAqparat tilshileri jedel járdem brıgadasynyń bir kúnin óz kózimen kórip qaıtqan bolatyn.

Qalalyq jedel járdem stansasynyń dárigeri Shoqan Myrzabaev bul salada 2012 jyldan beri eńbek etedi.

«Jedel járdem qyzmetinde 2012 jyly sanıtar bolyp eńbek jolymdy bastadym. Ol kezde astana medıtsına ýnıversıtetinde oqyp júrgen edim. Oqýymdy jumyspen ushtastyra aldym. Odan keıin feldsher boldym. Al 2018 jyldan beri dáriger laýazymdy jumys istep kelemin», - dedi Shoqan.

Shoqannyń seriktesi – feldsher Sultanbek Dáýitqulovtyń da jedel járdem qyzmetinde jumys istegenine 8 jyl boldy.

«Bala kezimnen dáriger bolýdy armandadym. Sol sebebi osy mmmandyqty tańdadym. Medıtsınalyq kolledjdi bitirgennen keıin jedel járdem qyzmetine jumysqa ornalastym. Jumystyń óz qıyndyqtary bar. Soǵan qaramastan kún saıyn alǵashqy jedel kómek kórsetýge daıynmyn», - dedi ol.

Jedel kómektiń árbir brıgadasy stansa ǵımaratynyń foıesinde shaqyrtýdy kútedi. Bári tsıfrlanǵan.

Shaqyrtý týraly habarlama Kómek platformasy arqyly túsedi.

Jedel járdem brıgadasymen birneshe shaqyrtýǵa da baryp qaıttyq. Alǵashqy shaqyrtý Joǵarǵy sot ǵımaratynan tústi.

Odan keıin páterinde densaýlyǵy nasharlaǵan patsıentke baryp, órt shyqqan jeke turǵyn úı turǵyndaryna kómek kórsetýge de bardyq.

Sońǵy shaqyrýǵa bara jatqan bolda zardap shegýshi medıtsına qyzmetkerleriniń kómegi qajet emestigin habarlap, jarty joldan keri qaıttyq.

Osydan keıin brıgada dárigerlerimen tildesýge azdaǵan ýaqyt múmkinshilik boldy.

«Shaqyrý birneshe sanatqa bólinedi. Birinshisi – shuǵyl, odan keıin ekinshi, úshinshi, tqrtinshi shaqyrtý bar. Shuǵyl shaqyrtýǵa 10 mınýtqa deıin ýaqyt beriledi. Sebebi patsıentke shuǵyl túrde medıtsınalyq kómek kerek. Shaqyrýlar da alýan túrli: jol-kólik oqıǵasy, qylmys, júrek talmasy, keýde tusyndaǵy aýyrsyný, órt. Ekinshi sanattaǵy shaqyrýǵa 15 mınýttyń ishinde, úshinsisine 30 mınýttyń ishinde jetýimiz qajet. Árıne túrli qıyndyqtar bolady. Birinshi sanattaǵy shaqyrý túskende jol boıynda kólikter ótkizbeı jatady. Jol boıynda qaýyrt ýaqyt bolatyn sátte shaqyrý túskende bul qıyndyq týdyrady», - dedi Shoqan.

Elimizde medıtsına qyzmetkerleriniń jalaqysy birtindep kóterilip keledi.

Jyl basynda dárigerlerdiń jalaqysy 30, al medıtsına qyzmetkerleriniń aılyǵy 20 paıyzǵa kóterildi.

Esil aýdandyq qalalyq stansanyń jergilikti qory esebinen jedel járdem kóligi júrgizýshileriniń jalaqysy da kóterilip jatyr.