Elordalyq jedel járdem brıgadasy Qazaqstanda úzdik dep tanyldy
NUR-SULTAN. QazAqparat - Nur-Sultan qalasynyń jedel járdem brıgadasy QR Jedel medıtsınalyq kómek brıgadalarynyń jáne qabyldaý bólimsheleriniń IV respýblıkalyq jarystarynyń qorytyndysy boıynsha úzdik dep tanyldy. Oǵan elimizdiń 17 aımaǵynan kelgen komandalar qatysty, dep qala ákimdiginiń saıty habarlaıdy.
Qatysýshylar jumysynyń kásibıligi men tıimdiligin Qazaqstannyń medıtsınalyq joǵary oqý oryndary men uıymdarynyń ókilderi arasynan qazylar alqasy, sondaı-aq Italııa men Germanııanyń halyqaralyq sarapshylary baǵalady.
Jarys barysynda komandalar belgili bir klınıkalyq stantsııalardan ótýmen sıtýatsııalyq tapsyrmalardy sheshti. Mysaly, anafılaktıkalyq shok, náresteniń reanımatsııasy, polıtravma jáne basqalar kezinde shuǵyl kómek kórsetý. «Oqıǵa» ornynda manekender men standarttalǵan patsıentter (patsıentterdi beıneleıtin adamdar) qoldanyldy.
Aıta ketý kerek, 103 qyzmeti táýligine 2900-ge deıin ótinish qabyldaıdy jáne 1800-ge deıin qyzmet kórsetedi. Táýligine elordaǵa 80 GTQS brıgadasy men 24 AMSK shuǵyl járdem brıgadasy qyzmet kórsetedi.
Elordalyq jedel medıtsınalyq járdem stantsııasy joǵary bilikti mamandary bar jáne óz arsenalynda zamanaýı jabdyqtary, dári-dármekter men sanıtarlyq avtokóligi bar qalanyń jetekshi emdeý-aldyn alý mekemeleriniń biri bolyp tabylady.
