Elordalyq jasóspirim djıý djıtsýdan eki dúrkin álem chempıony atandy
NUR-SULTAN. QazAqparat - Birikken Arab Ámirlikteriniń astanasy Abý-Dabıde djıý-djıtsýdan álem chempıonaty ótýde. Týrnırge álemniń 62 elinen 1500 sportshy qatysyp jatyr, dep habarlaıdy Nur-Sultan ákimdiginiń resmı saıty.
Álem birinshiliginde Nur-Sultan qalasynyń sportshysy Zańǵar Abzal jasóspirimder arasynda chempıon atandy. 55 kg salmaq dárejesinde ol jekpe-jek bóliminde tórt kezdesý ótkizip, birde-bir qarsylasynan utylǵan joq. Úsh kezdesýin merziminen buryn utty. Fınalda Zańgar belgııalyq Emen Storebbıdi upaı boıynsha jeńdi. Buǵan deıin ol 2019 jyly Gretsııada ótken álem birinshiliginde nevaza bóliminde birinshi oryn alǵan bolatyn. Osylaısha, Zańgar djıý-djıtsýdan eki dúrkin álem chempıony atandy.
Elordalyq sportshynyń jeke jattyqtyrýshysy Aslan Ospanov óz shákirtiniń jeńiske degen erik-jigerin erekshe atap ótti
«Zańǵar mende 9 jastan bastap jattyǵady. «Eger siz jaqsy shákirt bolýǵa daıyn bolmasańyz, jaqsy jattyqtyrýshy izdemeńiz» degen sóz onyń jattyǵýǵa degen yntasyn tolyqtaı sıpattaı alady. Zańǵar maǵan basqa sportshylardy jattyqtyrý kezinde kómektesedi jáne olar úshin úlgi alýǵa laıyq sportshy. Bizdiń maqsatymyz ári qaraı da Qazaqstannyń Týyn álemniń eń iri arenalarynda kóterý, elimizdiń atyn shyǵarý, ózgelerge úlgi bolý, salaýatty ómir saltyn jáne básekelestik rýhyn nasıhattaý», - dedi ol óz sózinde.
BAÁ-de djıý-djıtsýdan álem chempıonaty 11 qarashaǵa deıin jalǵasady.
