Elordalyq jas jubaılar mektepke barady
ASTANA. 17 qarasha. QazAqparat - «Zańdy nekege otyrǵysy keletinder qaıda daıyndalýy kerek? Er men áıel bolyp, otbasyn qurý da, bile bilgenge eń kúrdeli «mamandyq». Mine, osy kúrdeli máseleni Otbasy tárbıesi ınstıtýty men QR Ádilet mınıstrligi «Birgemiz» jas jubaılar mektebin ashyp, sheshýge bel baılap otyr»,-dep jazady elordanyń resmı saıty. Atalǵan mektep Ádilet basqarmasynyń aýdandyq AHAT bóliminde 2012 jyldyń 1 qarashasynda ashylǵan kórinedi.
Jobanyń qatysýshylary - nekege turǵysy keletin jas jigitter men qyzdar.
Jas jubaılar mektebin qurýdyń negizi - áleýmettik-demografııalyq úrdisterdiń teris áserinde, azamattyq neke, ajyrasýdyń kóbeıip, sonyń saldarynan nekesiz týatyn, sondaı-aq, tolyq emes otbasynda tárbılenýshi balalardyń sany artýy keleńsizdikterinde jatyr.
«Elordalyq AHAT qyzmetkerleri jas jubaılar mektebiniń aıasynda otbasyn qurǵan eki jas bir-birin túsinisip, bir-birine qoldaý bildirip, berik otbasyn qurýda daǵdy qalyptastyrady degen senimde. Al, tatý-tátti otbasy ol - memleket órkendeýiniń myqty tini ekeni belgili»,-dep jazylǵan onda.
