Elordalyq jas fýtbolshylar Túrkııadan tájirıbe jınap qaıtty
ASTANA. 12 maýsym. QazAqparat - Búgin, 12 maýsymda fýtboldan elordalyq Mektep lıgasynyń jeńimpazdary Túrkııanyń fýtbol ortalyǵyndaǵy eki aptalyq jıynnan oraldy. Antalııaǵa sapar bıyl ekinshi jyl qatarynan jas fýtbolshylardyń mekteparalyq komandalar arasyndaǵy saıysta ıelenetin bas júldesi bolyp keledi, dep habarlady Astana qalasynyń resmı saıty.
Bıyl «Mektep lıgasy» qalanyń 48 mektebinen jınalǵan 1998-1999 jyldary dúnıege kelgen 576 oqýshy arasynda 10 qańtar men 19 sáýir aralyǵynda ótti. Astana chempıony jáne ákim júldesin ıelengen Mektep lıgasynyń jeńimpazy №48 orta mektep boldy. Sonymen qatar, Mektep lıgasynyń úzdik oıynshylary - «Úzdik shabýylshy», №28 OM oqýshysy Petr Marchenko, QTL-nen «Úzdik qorǵaýshy» Ernur Tursynov jáne № 54 mektep oqýshysy «Úzdik qaqpashy» Rýslan Túlenov Bosfor jaǵalaýyna attanǵan bolatyn.
Jeńimpazdar ózderiniń jazǵy demalystaryn eki kúndik jattyǵýdan bastady. Alańdaǵy jattyǵýlardan ózge, qalypqa keltiretin tártip, jattyǵý zalyndaǵy daıyndyqtar, jas fýtbolshylar arasynda tennıs, sý ishindegi oıyndardan saıystar, sondaı-aq, jergilikti komandalarmen joldastyq kezdesýler ótkizildi.
«Bul eki apta biz úshin paıdaly boldy. Bizdiń kún saıyn jattyǵýymyzǵa barlyq jaǵdaı jasalǵan, oıyndar da joǵary deńgeıde ótti, qarsylastar da jaman emes. Balalar bir satyǵa joǵarylady dep aıtsaq, qatelespeımiz. Ózge memlekettiń komandalarymen saıysqa túsý olarǵa óte paıdaly boldy, oıynnyń sapasy da ózgerdi»,- deıdi №48 ML jeńimpaz komandasynyń jattyqtyrýshysy, dene shynyqtyrý pániniń muǵalimi Batyrhan Alpysbaev.
«Alda - balalardyń jazǵy demalysy. Alaıda, tyń kúsh jınaǵan jas fýtbolshylar senimdi túrde jattyǵýlaryna kirisedi», - dep sanaıdy basqarmadan.
