Elordalyq janarmaı beketteri benzın baǵasyn áli tómendetken joq
ASTANA. QazAqparat - Elordanyń janar-jaǵarmaı quıý beketterinde AI-92 markaly benzın men dızel otynynyń baǵasy áli de bolsa tómender emes.
Búgin ǵana QR Energetıka mınıstriniń «Memlekettik retteýshi baǵa qoıylǵan munaı ónimderin bólshek saýdada ótkizýdiń shekti baǵasyn bekitý týraly» №193 buıryǵy kúshine engen bolatyn.
Elordadaǵy «Gelıos», «Oıl» jáne «QazMunaıGaz» beketteri AI-92 markaly benzındi lıtrin 128 teńgeden satýda. Tek «Nomad-Oıl» janar-jaǵarmaı quıý beketterinde ǵana AI-92 benzıniniń lıtri 3 teńgege, ıaǵnı 125 teńgege tómendegen. Al barlyq beketterdegi dızel otynynyń baǵasy ózgerissiz.
«Ázirshe, eski baǵamen satýdamyz. Baǵany qashan aýystyratyndyǵymyzdy bilmeımiz. Múmkin keshke qaraı nemese túnde aýystyrarmyz», - dedi QazAqparat tilshisine elordalyq janar-jaǵarmaı quıý beketiniń birinde.
Aıta keteıik, 2014 jyldyń 8 jeltoqsanyndaǵy QR Energetıka mınıstriniń №184 buıryǵymen dızel otynynyń lıtri 107 teńge, AI-80 lıtri 89 teńge, AI92/93 lıtri 115 teńge bolyp bekitilgen bolatyn. Buıryq búgin kúshine endi.
