Elordalyq zeınetkerden 10 keliden astam esirtki zaty tárkilendi
ASTANA. 17 sáýir. QazAqparat - Elordalyq zeınetkerden 10 keliden astam esirtki zaty tárkilendi. Bul týraly búgin Almatyda brıfıng ótkizgen QR ІІM resmı ókili Nurdildá Oraz málim etti.
Onyń atap ótýinshe, 13 sáýir kúni Kóliktegi ІІD-niń Esirtki bıznesine qarsy kúres basqarmasy jáne Astana qalalyq ІІD-niń «Arlan» arnaıy maqsattaǵy bólimshesi qyzmetkerleri uzaq ázirlikten soń qyzmettik iz kesýshi ıttiń kómegimen Astana qalasynyń turǵyny - 59 jastaǵy áıel adamdy qolǵa túsirdi. Budan buryn da esirtki qylmysy úshin sottalǵan onyń úıinen 10 keli 536 gramm esirtki zaty tárkilenip alyndy.
«Qazirgi tańda esirtki zatyn tasymaldaıtyn arnany anyqtaý maqsatynda jedel-izdestirý, arnaıy jáne tergeý sharalar kesheni júrgizilýde. Atalǵan qylmys boıynsha múlik tárkilenip, 10-nan 15 jylǵa deıin bas bostandyǵynan aıyrý jazasy taǵaıyndalýy múmkin», - dedi resmı ókil.
