Elordalyq volonter-zańgerler azamattarǵa tegin quqyqtyq kómek kórsetti
NUR-SULTAN. QazAqparat - Búgin «Biz - birgemiz» jobasy aıasynda elordalyq volonterler «Shapaǵat» jáne «Ásem» saýda ortalyqtarynda turǵyndarǵa tegin quqyqtyq keńester berdi, dep habarlaıdy qala ákimdiginiń resmı saıty.
Shara halyqtyń quqyqtyq saýattylyǵyn arttyrýǵa jáne azamattarǵa konsýltatsııalyq kómek kórsetýge volonter-zańgerlerdi tartýǵa baǵyttalǵan.
«Іs-shara barysynda advokattar, zańgerler, sot oryndaýshylary, quqyq qorǵaý organdarynyń basqa da qyzmetkerleri jáne «Quqyqtaný» mamandyqtarynyń stýdentteri qala turǵyndaryna keńes berý jumystaryn júrgizdi. 300-den astam adam mańyzdy máseleler boıynsha keńes aldy. Osyndaı is-sharalardy aıyna bir ret júıeli negizde ótkizý josparlanýda», - dedi Qoǵamdyq damý isteri basqarmasynyń mamany Aqulan Tastemir.
Іs-shara qalalyq Ádilet departamenti men Nur-Sultan qalasynyń Qoǵamdyq damý isteri basqarmasymen birlesip uıymdastyryldy.
