Elordalyq Veterınarlyq baqylaý jáne qadaǵalaý basqarmasynyń basshysy ustaldy
ASTANA. QazAqparat - Qarjy polıtsııa qyzmetkerleri Astana qalasy boıynsha Veterınarlyq baqylaý jáne qadaǵalaý basqarmasynyń basshysy N. Jaqypbaevty ustady, dep habarlaıdy Ekonomıkalyq qylmysqa jáne sybaılas jemqorlyqqa qarsy agenttiktiń baspasóz qyzmetinen.
Oǵan 2012 jyly Aýyl sharýashylyq mınıstrliginiń Veterınarlyq baqylaý jáne qadaǵalaý komıtetiniń tóraǵasy laýazymyn atqarǵan kezinde Shyǵys Qazaqstan oblysynyń 3 aýylynda birnusqaly modýldik aýdandyq veterınarııalyq laboratorııalardyń qurylysy boıynsha atqarylǵan jumystardyń jalǵan aktilerine qol qoıǵan degen aıyp taǵylýda. Memleketke keltirilgen zalal 83 mln.teńgeden asty. Jaqypbaevqa qatysty qyzmettik ókilettigin teris paıdalaný jáne qyzmettik jalǵandyq jasaý faktileri boıynsha qylmystyq ister qozǵaldy. Egde jasyna jáne densaýlyq jaǵdaıyna baılanysty Jaqypbaevqa qatysty kepilpul túrindegi bultartpaý sharasy tańdaldy. Búgingi kúni onyń basqa sybaılas jemqorlyq qylmystardy jasaýǵa qatystylyǵy tekserilýde. Tergeý nátıjeleri jurtshylyqqa jetkiziletin bolady.
