Elordalyq úsh mektep UBT boıynsha Qazaqstannyń úzdik mamandandyrylǵan mektepteriniń ondyǵyna kirdi
ASTANA. QazAqparat - Bıylǵy jyly UBT ortasha bally qorytyndylary boıynsha Qazaqstannyń mamandandyrylǵan úzdik mektepteriniń ondyǵyna birden elordalyq úsh mektep kirdi. Olardyń arasynda - №82 «Daryn» mamandandyrylǵan lıtseıi (ortasha ball - 112,8), №9 «Zerde» daryndy balalar mektebi (112), «Qyzdarǵa arnalǵan qazaq-túrik lıtseı-ınternaty» (111,3) bar. Bul týraly Astana qalasy bilim basqarmasynyń baspasóz qyzmeti habarlady.
Astanada daryndy balalarǵa arnalǵan 5 mektep (Qazaqstanda olar - 124) bar. Olardyń ishinde - «Daryndy ul balalar úshin qazaq-túrik lıtseıi» men №81 daryndy balalarǵa arnalǵan Astana English School gımnazııasy jumys isteıdi.
Ótken jyly elordalyq mektepterdiń arasynda №9 «Zerde» daryndy balalar mektebi QR-nyń úzdik mamandandyrylǵan orta bilim beretin oqý oryndarynyń ondyǵyna kirgen bolatyn.
