Elordalyq TJD órt kezinde turǵyndardyń qalaı qutqarylǵany jóninde vıdeo jarııalady
NUR-SULTAN. QazAqparat – Elordalyq qutqarýshylar órt sóndirý kezinde 5 adamdy qutqardy, onyń bireýi - bala, dep habarlaıdy QazAqparat Nur-Sultan qalalyq TJD-nyń baspasóz qyzmetine silteme jasap.
TJD-nyń Facebook-tegi paraqshasynda bes qabatty turǵyn úıde shyqqan órt kezinde adamdardyń qalaı qutqarylǵany jóninde vıdeo jarııalady.
«Elordalyq órt sóndirýshiler jalyndy sóndirý kezinde 5 adamdy qutqardy, onyń bireý bala. Órt sóndirýshiler olardy betperde kıgizip, syrtqa shyǵardy. Olar qalyń ári ýly tútin basyp ketkendikten páterden shyǵa almaı qalǵan. Bes qabatty turǵyn úıde elektr qalqany keshki saǵat 10-darda tutana bastaǵan. Órt sóndirý bólimsheleri oqıǵa bolǵan jerge jyldam kelip jetti, jedel qımyldyń jáne uıymdasqan árekettiń arqasynda órt tolyǵymen sóndirildi», delingen habarlamada.
