Elordalyq týrıstik polıtsııa elektromobıl, kvadrotsıkldermen júredi

Elimizdiń halyqaralyq ımıdjiniń kóterilýi jáne týrıstik tartymdylyǵynyń artýyna baılanysty Іshki ister mınıstrligi aǵymdaǵy jyly týrıstik polıtsııa qurylymyn jasaqtady. Mundaı bólinister aldymen Nur-Sultan, Almaty qalalarynda, Aqmola, Túrkistan, Almaty jáne Shyǵys Qazaqstan oblysynda quryldy.
Kóshi-qon qyzmeti komıtetiniń aǵa ınspektory Erlan Toıymbaev atap ótkendeı, týrpolıtsııa birinshi kezekte ózge el azamattarynyń bizdegi týrıstik nysandardarǵa kelgen kezdegi qolaılylyǵy men qaýipsizdigin qamtamasyz etý úshin qurylǵan. Budan soń jaıaý júrginshiler aýmaqtaryn patrýldeý, sheteldik týrısterge konsýltatsııa berý, qaýipsiz týrızm jaǵdaıyna monıtorıng jasaý, týrısterdi naqty jaǵdaıǵa baılanysty týyndaǵan qaýip-qater týraly habardar etý sııaqty mindetter atqarady. Sonymen birge týrısterge qatysty oryn alǵan oqıǵa boıynsha jedel tergeý júrgizý, týrıstik nysandardaǵy jáne jalpy sol naryqtaǵy qoǵamdyq qaýipsizdikti kúzetý jáne tártipti saqtaý mindetterin iske asyrady.

Týrıstik polıtsııa qyzmetkerlerine joǵary talaptar qoıylatyn bolady. Bul birinshi kezekte shet tilderin bilý, Qazaqstan tarıhy men týrıstik nysandardyń tarıhyn bilý, týrısterde týyndaǵan problemalardy sheshý úshin polıtsııanyń basqa bólinisterimen ózara baılanysty qamtamasyz etý.

«Týrıstik polıtsııa qyzmetkerleri tarıhty, shet tilderin bilýi qajet. Turǵyndarmen saýatty, sypaıy sóılese bilýi mańyzdy. Sonymen qatar quqyq buzýshylyqqa jol bermeý kezinde olar ratsııamen jasaqty shaqyryp, quqyq buzýshyny tapsyrady. Týrıstik polıtsııanyń negizgi mindeti - sheteldik týrısterge olardy qyzyqtyrǵan quqyqtyq suraqtar boıynsha túsiniktemeler, keńester berý. Týrıstik polıtsııa elimizge sheteldikterdi, ınvestorlardy tartý úshin quryldy», - deıdi Erlan Toıymbaev.

Nur-Sultan qalasynda týrıstik polıtsııa qyzmetke daıyn, elektromobılder, kvadrotsıkldary bar. Olardyń qyzmetkerleri «Týrıstik polıtsııa» degen jazýy bar aıyryqsha jıletpen júredi, beınetirkeýishter, ákimshilik hattama toltyratyn planshettermen jabdyqtaldy, - dep túsindirgen aǵa-ınspektor, jańadan qurylǵan qyzmet elimizdiń azamattarymen, sonymen birge sheteldiktermen tyǵyz baılanysta jumys jasaıtynyn atap ótti.

Týrıstik polıtsııanyń shtattyq sany 65 qyzmetkerdi quraıdy (13 aǵa ınspektor jáne 52 ınspektor).

Nur-sultan PD boıynsha-15 qyzmetker: Almaty aýdanynyń PB - 1 aǵa ınspektor jáne 4 ınspektordan turady, Esil aýdanynyń PB - 2 aǵa ınspektor jáne 8 ınspektor jumys isteıdi.

Qyzmet atqarý oryndary - «Báıterek», «Qazaq eli» monýmentteri, «Han Shatyr» SOO qarama-qarsy alleıa»;

Almaty qalasy PD - 20 qyzmetker, Bostandyq aýdanynyń PB - 2 aǵa ınspektor jáne 8 ınspektor, Medeý aýdanynyń PB - 2 aǵa ınspektor jáne 8 ınspektor bar.

Qyzmet atqarý oryndary - «Táýelsizdik» alańy, «Kók tóbe», «QR Tuńǵysh Prezıdentiniń saıabaǵy», «Medeý» ShQ»;

Aqmola oblysy PD - 10 qyzmetker, Býrabaı aýdanynyń polıtsııa bóliminde - 1 aǵa ınspektor jáne 4 ınspektor, Zerendi aýdanynyń polıtsııa bóliminde - 1 aǵa ınspektor jáne 4 ınspektor qyzmet atqarady.

Qyzmet atqarý oryndary - «Býrabaı», «Zerendi» shıpajaılyq-kýrorttyq aımaqtary»;

Túrkistan oblysy PD - 10 qyzmetker, Túrkistan PB - 1 aǵa ınspektor jáne 4 ınspektor, Otyrar aýdanynyń polıtsııa bóliminde -1 aǵa ınspektor jáne 4 ınspektor qyzmetke kirisken.

Qyzmet atqarý oryndary - Qoja Ahmet ıAssaýı keseneleri, « Arystan bab»;

Almaty oblysy PD - 5 qyzmetker, Alakól aýdanynyń polıtsııa bóliminde -1 aǵa ınspektor jáne 4 ınspektor jumys isteıdi.

Qyzmet atqarý orny - «Alakól» kýrorttyq aımaǵy.

Shyǵys Qazaqstan oblysy PD-5 qyzmetker, Úrjar aýdanynyń polıtsııa bóliminde- 1 aǵa ınspektor jáne 4 ınspektor.

Qyzmet atqarý orny - «Alakól» kýrorttyq aımaǵy.

Oǵan qosa, Almaty qalasy (5), Túrkistan (3) jáne Aqmola (2) oblystarynyń PD-ne elektromobılder jetkizildi. Bul kólikterde «Tourist Police» degen jazý bar.

Eske sala ketsek, Býrabaı kýrortty aımaǵynda týrıstik polıtsııa ashyldy. Al Túrkistanda týrıstik polıtseıler 4 tilde erkin sóıleıdi.