Elordalyq túlekter aldyńǵy qatarly ýnıversıtet rektoratymen kezdesti
ASTANA. 17 mamyr. QazAqparat /Jasulan Amanbaıuly/ - Búgin QR Tuńǵysh Prezıdentiniń murajaıynda elordalyq mektep oqýshylary elimizdiń birqatar aldynǵy qatarly ýnıversıtetterdiń rektorat basshylyqtarymen kezdesý ótkizdi.
Júzdesýge Astana qalasyndaǵy mektepterdi bitirgeli otyrǵan túlekter, atap aıtqanda bolashaǵyn ekonomıka, kedendik is, týrızm jáne áleýmettik jumystar salasymen baılanystyratyn mektep oqýshylary keldi.
Kezdesýde mektep túlekteri úshin arnaıy baǵdarlama ázirlenip, ol baǵdarlamanyń kómegimen oqý ornynyń rektorat músheleri, fakýltet dekandary, kafedra meńgerýshileri bolashaq talapkerlerdi qyzyqtyrǵan san-salaly suraqtarǵa jaýap berdi.
Joǵary bilim alýdyń mańyzdylyǵy men ózderiniń ýnıversıtetterindegi bilim sapasy, halyqaralyq jobalary jaıynda L.N.Gýmılev atyndaǵy Eýrazııa ulttyq ýnıversıtetiniń, S.Seıfýllın atyndaǵy Agrotehnıkalyq ýnıversıtettiń jáne «Astananyń medıtsınalyq ýnıversıteti» AQ-nyń professorlary aıtyp berdi.
