Elordalyq teatrlar el Táýelsizdiginiń 30 jyldyǵyna oraı myńnan astam qoıylym men is-shara ótkizdi

NUR-SULTAN. QazAqparat - Epıdemıologııalyq jaǵdaıǵa qaramastan elordanyń mádenıet mekemeleri jyl boıy onlaın is-sharalardy belsendi ótkizdi. Karantın jaǵdaıynda teatrlar kórermendermen ózara baılanystyń jańa túrlerin ashty, onlaın-gastrolder, ınstagram-spektaklder uıymdastyryldy, onlaın-radıo quryldy, dep habarlaıdy Nur-Sultan ákimdiginiń resmı saıty.

Elordalyq mádenıet basqarmasy 2021 jyly áleýmettik jelilerde vedomstvoǵa qarasty mádenıet mekemeleriniń ınternet-resýrstarynda ártúrli is-sharalar ótkizilgenin, sondaı-aq «Habar» jáne «Qazaqstan» telearnalarynda, onyń ishinde Qazaqstan Respýblıkasy Táýelsizdiginiń 30 jyldyǵyn merekeleý aıasynda kórsetilgenin atap ótti.

Olar – qoǵam qaıratkerleriniń, aqyndardyń, jazýshylardyń, qazaqstandyq estrada juldyzdarynyń qatysýymen ótetin ınstagram-konkýrstar, monologtar, aqparattyq jarııalanymdar, beınesıýjetter, master-klastar, tikeleı efırler jáne taǵy basqalar.

2021 jyldyń 15 qazanynda «Jastar» teatrynyń bazasynda Qazaqstandaǵy alǵashqy ınklıýzıvti «Qanattylar» teatry ashyldy. Shyǵarmashylyq topqa Arnur Ysqaqov jetekshilik etedi. Erekshe teatrda 20-ǵa jýyq ártis jumys isteıdi, onyń ishinde 8 adam nashar estıdi, 5 adam arbamen júredi, 3 nashar kóredi jáne 2 BTsP. Sondaı-aq olarmen sýrdoaýdarma mamany jumys isteıdi.

2021 jyldyń 28 qazanynan 3 qarashasyna deıin Nur-Sultanda «TeatrALL» halyqaralyq teatr festıvali ótti. Oǵan elordanyń 12 teatry, sondaı-aq Reseıdiń 2 teatry (S.Obraztsov atyndaǵy Memlekettik akademııalyq Ortalyq qýyrshaq teatry jáne Malaıa Bronnaıadaǵy Máskeý drama teatry) qatysty. Aýqymdy shara aıasynda kórermender shyǵarmashylyq ujymdardyń 30-dan astam úzdik qoıylymyn tamashalady.

Aıta ketý kerek, 2021 jyly elordalyq teatrlar 1000-nan astam spektakl men ózge de is-sharalar ótkizdi, onyń aıasynda 150 myńnan astam kórermen qamtyldy. Sol sııaqty Qazaqstan Táýelsizdiginiń 30 jyldyǵynda 30 premerlik qoıylym usynyldy.