Elordalyq tártip saqshylary iz-túzsiz ketken Aqmola oblysynyń turǵynyn tapty
NUR-SULTAN. QazAqparat - Astanalyq quqyq qorǵaýshylar iz-túzsiz joǵalyp ketken Aqmola oblysynyń 39 jastaǵy turǵynyn tapty, dep habarlaıdy QazAqparat Nur-Sultan qalalyq polıtsııa departamentiniń baspasóz qyzmetine silteme jasap.
«Ýchaske» jedel-aldyn alý is-sharasy aıasynda elordalyq polıtseıler Nur-Sultan qalasynyń «Baıqońyr» aýdanynyń aýmaǵyndaǵy jylý trassalaryna, qoqys tastaıtyn oryndarǵa, qaraýsyz qalǵan ǵımarattar men jertólelerge tekserý júrgizdi. Úıi joq adamdar jınalatyn oryndardy tekserý arqyly reıdtik is-shara ótkizilgen edi.
Іs-sharanyń negizgi maqsaty - turǵylyqty mekeni joq adamdardy, esirtki prıtondaryn jáne basqa da yqtımal zańsyz jáne esepke alynǵan kontıngentti anyqtaý bolatyn.
Eki kún ishinde ýchaskelik polıtsııa ınspektorlary qala ákimdiginiń qıyndyqqa tap bolǵan tulǵalardy qaıta áleýmettendirý ortalyǵyna úıi joq 40-qa jýyq adamdy jetkizdi. Onda barlyq adamdarǵa medıtsınalyq kómek kórsetildi.
Sonymen qatar, jetkizilgen adamdardyń arasynda Aqmola oblysynyń 39 jastaǵy turǵyny anyqtaldy. Ol buryn iz-túzsiz joǵalyp ketken bolatyn. Tabylǵan áıeldi týystary alyp ketti.
