Elordalyq synyptasynyń aqshasyn urlap aldy
NUR-SULTAN. QazAqparat – 27 jastaǵy elorda turǵyny 280 myń teńge jymqyrdy degen kúdikpen qamaýǵa alyndy, dep habarlaıdy QazAqparat.
Aryzdanýshy jigit óziniń synyptas qyzymen birge 2 kún boıy ishimdik ishkenin aıtqan. Jigit es-túsiz qalǵan kezde synyptasy onyń smartfonyn alyp, Kaspi qosymshasy arqyly 280 myń tegeni óz shotyna aýdaryp alǵan.
«Atalǵan fakti boıynsha Qylmystyq kodekstiń 188-baby boıynsha qylmystyq is qozǵaldy. Ustalǵan azamat óz kinásin moıyndap, keltirgen materıaldyq shyǵynyn ótedi. Endi onyń astana aýmaǵynda buryn jasalǵan uqsas qylmystarǵa qatystylyǵy tekserilýde. Nur-Sultan qalasynyń polıtsııa departamenti turǵyndardy saq bolýǵa jáne qundy zattardy qaraýsyz qaldyrmaýǵa keńes beredi», - dep jazylǵan departamenttiń baspasóz qyzmeti taratqan málimette.
