Elordalyq stýdentter UOS ardagerlerin 8 naýryzben quttyqtady

ASTANA. QazAqparat - «Ardager» aktsııasynyń aıasynda elordalyq stýdentter Uly Otan soǵysyna qatysqan ardager áıelderdi Halyqaralyq áıelder kúnimen quttyqtady, dep habarlaıdy elorda ákimdiginiń baspasóz qyzmeti.

Ár ardagerge gúlder men azyq-túlik qorjyny tartý etildi. Bul quttyqtaýlar ardagerler úshin tosyn syı boldy. Olar stýdentterdi qýana qarsy alyp, jastar tarapynan kórsetilgen syı-qurmetke rızashylyqtaryn bildirip, jastarǵa aqyl-keńesterin aıtty.

Eske sala keteıik, Astana qalalyq Jastar saıasaty máseleleri basqarmasynyń bastamasymen uıymdastyrylǵan «Ardager» aktsııasynyń aıasynda jastar jyl boıy barlyq maıdangerlerge úı sharýasyna járdemdesip, medıtsınalyq kómek kórsetip, stýdenttik ómirdegi qyzyqty oqıǵalarymen bólisedi.

Taǵy bir aıta keterlik jaıt, kóktem kelisimen stýdentter maıdangerlermen birge saıabaqtarda serýendep, fotosessııa jasap, aýlalarda senbilik ótkizýdi josparlap otyr.