Elordalyq stýdentter suranysqa ıe mamandyqtardy meńgerip jatyr

ASTANA. QazAqparat - Halyqty jumyspen qamtý ortalyǵy S. Seıfýllın atyndaǵy Qazaq agrotehnıkalyq ýnıversıteti tehnıkalyq fakýltetiniń túlekterin jumysqa ornalastyrý jármeńkesine qatysyp, «Jastar tájirıbesi» baǵdarlamasyn tanystyrdy, dep habarlaıdy QazAqparat Astana qalasy ákimdiginiń resmı saıtyna silteme jasap.

Halyqty jumyspen qamtý ortalyǵy jyl saıyn nátıjeli jumyspen qamtý jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasyn iske asyrý sheńberinde jastar praktıkasyn uıymdastyrady.

«Jastar praktıkasy - jastarǵa óz mamandyǵy boıynsha alǵashqy tájirıbe jınaqtaýdyń joly. Praktıkaǵa joldanǵan kezde olar jumyssyz bolyp tirkelýi tıis. Baǵdarlamaǵa oqýyn keminde 3 jyl buryn támamdaǵan jasy 29 aspaǵan jastar qatysa alady. Jastar praktıkasynda 81 345 teńge kóleminde eńbekaqy tóleý qarastyrylǵan. Barlyq aýdarymdar men salyqtardy eskere otyryp, maman qolyna 70 139 teńge alady. Jastar praktıkasynyń uzaqtyǵy 6 aıdan aspaıdy», - dep málimdedi Jumyspen qamtý ortalyǵyndaǵylar.

Praktıkadan ótken ýaqyt eńbek kitapshasyna jazylady, eger jumys berýshiniń talabyna saı kelip jatsa, jas maman turaqty jumysqa alynady.

Jumyspen qamtý ortalyǵy Jastar jylynda jas mamandardy kóptep jumysqa ornalastyrýdy kózdep otyr. Osy jyly JOO-ny men kolledjdiń 1 myń túlegine jastar praktıkasyn uıymdastyrý kózdelgen.