Elordalyq stýdentter sot májilisine qatysady
ASTANA. 1 sáýir. QazAqparat - Elordalyq stýdentter sot májilisine shaqyrylýda, dep habarlaıdy astana.kz saıty qalalyq ІІD-niń baspasóz qyzmetine silteme jasap.
«Elordanyń Іshki ister departamenti usaq buzaqylyqtyń aldyn alý jaǵdaıynyń tyń sharalaryn oılastyrýda. Tuńǵysh ret qalalyq joǵary oqý ornynyń qabyrǵasynda sot májilisi ótkizilgeli otyr», - delinedi ІІD-niń habarlamasynda.
Bıylǵy jyldyń 1 sáýiri kúni S.Seıfýllın atyndaǵy Qazaq agrotehnıkalyq ýnıversıtetinde qoǵamdyq tártipti buzatyndar úshin kóshpeli sot májilisi ótedi. QR Ákimshilik quqyq buzý kodeksine sáıkes mundaı qylmystarǵa esirtki zattarymen jáne psıhotroptyq zattardy zańsyz satý maqsatynda óndirý (320 bap) men usaq buzaqylyq (330 bap) jatady.
«Jyl basynan beri ýchaskelik polıtsııa ınspektorlary 10 118 ákimshilik quqyq buzýshylyqty anyqtaǵan. Olardyń - 996-sy sotta qaralyp, 122 zań buzýshy ákimshilik qamaýǵa alynǵan. Sonymen qatar, 874 adamǵa ákimshilik aıyppul salyndy», - delingen habarlamada.
Vedomstvonyń málimeti boıynsha, S.Seıfýllın atyndaǵy Qazaq agrotehnıkalyq ýnıversıtetindegi kóshpeli sot májilisine osy oqý ornynyń 100-ge tarta stýdenti qatysýy josparlanǵan.
