Elordalyq stýdentter Shvetsııanyń Geteborg qalasynda ótken matematıka konferentsııasyna qatysty
ASTANA. 19 sáýir. QazAqparat - Astananyń stýdentter komandasy Shvetsııanyń Geteborg qalasynda ótken «Shyǵarmashylyq jáne erte jastaǵy ınnovatsııa» Eýropalyq «EUROMATH 2013» matematıka konferentsııasyna qatysty.
Bul týraly astana.kz saıtyna «Astana-daryny» RǴTO málim etti.
Konferentsııany «Astana-daryny» Respýblıkalyq ǵylymı-tájirıbelik ortalyǵynyń qatysýymen Eýropanyń matematıkalyq qaýymdastyǵy uıymdastyrdy. Ol matematıka salasyndaǵy kóptegen taqyryptardy qamtyǵan birneshe semınarlar men sessııalardan turady.
Ortalyqtyń málimeti boıynsha, konferentsııaǵa álemniń 19 elinen 510 stýdent qatysqan. Olardyń qatarynda: Qazaqstan, Avstrııa, Bolgarııa, Horvatııa, Italııa, Kıpr, Indonezııa, Iran, Ispanııa, BAÁ, Ýganda jáne basqa memleketter bar.
Qatysýshylar shyǵarmashylyq ahýalda Eýropa matematıka qoǵamynyń prezıdenti Marta Sanz-Sole, Kıprdiń matematıka qoǵamynyń prezıdenti Grıgorıı Markıdes, Bolgarııanyń matematıka odaǵynyń múshesi Sava Grozdev sııaqty Eýropanyń kórnekti matematıkterimen, Eýropa ýnıversıtetteriniń ókilderi Erhardom Makrıdesom (Berlın ýnıversıteti, Germanııa), Maıklom Lambrý (Krıt ýnıversıteti, Gretsııa), Laýroı Faınsılbermen (Chalmers tehnıkalyq ýnıversıteti men Geteborg ýnıversıteti) qoıan-qoltyq jumys istegen.
Konferentsııada Qazaqstan astanasynyń namysyn 15 stýdent qorǵady.
