Elordalyq stýdentter medıtsınalyq saqtandyrýdy qoldap fleshmob uıymdastyrdy
ASTANA. QazAqparat - Astana medıtsınalyq ýnıversıtetiniń stýdentteri mindetti medıtsınalyq saqtandyrýdy qoldaý maqsatynda fleshmob uıymdastyrdy, dep habarlady «QazAqparat» HAA tilshisi.
Ýnıversıtettiń dáris zalynda 120-dan astam stýdent «MÁMS» áripteri beınesinde sap túzep, belgili bir tártippen óz oryndaryna otyrdy. Aq halat kıgen bolashaq dárigerler óz oryndaryna otyryp, fleshmobtyń uranyn aıtty: «Bolashaq dárigerler «MÁMS-ti» qoldaıdy!». Ýnıversıtettiń korporatıvtik kommýnıkatsııalar bóliminiń bastyǵy Dınara Qojahmetova fleshmobqa bir apta daıyndalǵanyn habarlady.
«Bul fleshmobty QR Densaýlyq saqtaý mınıstrliginiń bastamasymen, jastar isteri boıynsha dekanattyń qoldaýymen korporatıvtik kommýnıkatsııalar bólimi uıymdastyrdy. Ol Qazaqstanda MÁMS engizýdi qoldaý úshin uıymdastyryldy jáne shara aldynda stýdentterge osy taqyrypqa dáris oqyldy», - dedi ol.
