Elordalyq stýdent áskerı kafedradan zańsyz shyǵarylǵan
NUR-SULTAN. QazAqparat – Nur-Sultan qalasynyń Saryarqa aýdandyq №2 sotynda áskerı kafedradan negizsiz shyǵyp qalǵan stýdenttiń isi qaraldy, dep habarlaıdy QazAqparat.
Sonymen qatar, stýdent JOO-ǵa ózine keltirilgen moraldyq shyǵyndy da óteýdi talap etken.
«Sot aryz berýshiniń áskerı kafedradan zańsyz shyǵarylǵanyn anyqtady. Stýdent kafedrada 2018 jyldyń 21-24 mamyry aralyǵynda ótken oqý-jattyǵý jıynynan sebepsiz qaldy degen jeleýmen shyǵarylǵan. Alaıda ol kezde dárigerlik komıssııanyń sheshimimen stýdent 2018 jyldyń 21 mamyry men 31 shildesi aralyǵynda densaýlyǵyna baılanysty áskerı kafedradan bosatylǵan. Bilegi men sanynan jaraqat alǵan», - delingen Saryarqa aýdandyq №2 sotynyń baspasóz qyzmetinen.
Sot sheshimimen, aryz berýshiniń shaǵymy ishinara qanaǵattandyrylyp, stýdentti áskerı kafedradan shyǵarý sheshimi negizsiz dep tanyldy. Onyń áskerı kafedrada oqýy qalpyna keltirilip, stýdentke ótemaqy beriletin boldy.
Úkim zańdy kúshine endi.
