Elordalyq statsıonarlarda is júzinde aýrýlardy emdeýge bólinetin qarjy ortasha jospardan birshama tómen ekendigi anyqtaldy

Bul emdelgen aýrýlar josparyn oryndaý barysynda qańtar aıyna bólingen qarjyny tolyq ıgere almaýǵa jol berýde. Bul týraly búgin «Nur Otan» HDP-nyń Astana qalalyq fılıalynda ótken «Astana qalasynda biryńǵaı ulttyq densaýlyq saqtaý júıesin engizý týraly» degen taqyryppen ótken dóńgelek ústel barysynda qalalyq densaýlyq saqtaý basqarmasy bastyǵynyń orynbasary Laýra Ahmetnııazova aıtty.

Onyń atap ótýinshe, qarajatty ıgere almaýdyń negizi sebebi nozologııalyq qatar boıynsha medıko-ekonomıkalyq tarıfterdiń, onyń ishinde bosanýǵa kómektesetin uıymdardyń, kúndizgi statsıonarlardyń quny is júzindegi shyǵyndardan tómen bolyp otyr.

«Osyǵan oraı, Biryńǵaı ulttyq densaýlyq saqtaý júıesin odan ary sátti engizý úshin sońǵy nátıje boıynsha medıtsına qyzmetkerleriniń eńbekaqysyn kóterý tetikterine, medıtsınalyq qyzmetter tarıftik stavkalaryn arttyrýǵa baılanysty birqatar problemalardy sheshý qajet dep sanaımyz. Bizge elimizdiń Densaýlyq mınıstrliginiń qazirgi ýaqytta osy máseleni kóterip otyrǵandyǵy belgili», dep atap ótti L.Ahmetnııazova.