Elordalyq sportshylar ortaazııalyq lıgada atpen kedergiden sekirýden álem kýbogynda 3 altyn medal enshiledi
ASTANA. 29 mamyr. QazAqparat - Bishkekte ortaazııalyq lıganyń atpen kedergiden sekirýden álem kýbogynyń birinshi kezeńi aıaqtaldy.
Týrnırde Qazaqstan atynan shyqqan elordalyq komanda erekshe óner kórsetti. Bul týraly astana.kz saıtyna qalalyq týrızm, dene tárbıesi jáne sport basqarmasynan habarlady.
«Jarystaǵy túrli sanattaǵy kedergilerdi baǵyndyrýda úsh birinshi oryn astanalyq №7 at sporty mektebiniń tárbıelenýshilerine berildi. Kezeń ıeleriniń ózderin tań qaldyrǵan Erjan Maǵjaev birinshi oryn tuǵyryna eki ret kóterildi», - dep habarlaıdy vedomstvonyń baspasóz qyzmeti.
Taǵy bir «altyndy» astanalyq sportshy Vıktorııa Kotına ıelendi. Basqarmanyń málimdeýinshe, astanalyq sportshylardyń arasynda komandalyq dosy Erjan Maǵjaevqa jol berip, ózi kúmis júldeger atanǵan Nurbolat Qartqojın da bar.
Bishkekte Álem kýbogynan ózge sporty boıynsha Qyrǵyzstan Prezıdentiniń Kýbogy men Dostastyq Kýbogyna saıys ótti.
«Týrnır aıasynda ótken komandalyq básekede Ózbekstannan kelgen komanda birinshi orynǵa shyqty. Dostastyq kýbogyn jekeleı esepte qazaqstandyq Petr Solovev jeńip aldy», - delingen vedomstvo aqparatynda.
