Elordalyq sportshylar dúnıejúzilik jazǵy arnaıy Olımpıada oıyndarynda 5 medal utty
ASTANA. QazAqparat - Astanalyq sportshylar 21 shilde men 3 tamyz aralyǵynda Los-Andjeleste ótken Dúnıejúzilik jazǵy arnaıy Olımpıada oıyndarynda eki altyn jáne úsh kúmis medal jeńip aldy.
Arnaıy Olımpıada oıyndary álemde jyldyń eń mańyzdy sporttyq-gýmanıtarlyq oqıǵasy jáne Los-Andjelestegi eń iri shara boldy. Saıysqa álemniń 170 elinen kelgen 7 myń atlet, 300 bapker, 30 myń volonter qatysty. Sportshylardyń ónerin tamashalaýǵa shamamen jarty mıllıonǵa jýyq kórermen jınaldy.
Saıys 25 olımpıadalyq sport túri boıynsha ótti. Qazaqstan quramasyna 14 oblystan kelgen 102 sportshy endi, olar sporttyń 15 túri boıynsha saıysqa tústi. Astanalyq 10 sportshy badmınton jáne paýerlıftıng (aýyr atletıka) boıynsha qatysty. Elordalyq sportshylar Arkadıı Borevıch jáne Rýslan Baranbaev aýyr atletıkadan altyn utyp alsa, Sáýle Syzdyqova úsh kúmis medal jeńip aldy, dep habarlady elorda ákimdiginiń baspasóz qyzmeti.
Sonymen birge, saıys aıasynda mádenı baǵdarlama ótip, sportshylar ulttyq sývenırlermen, belgilermen jáne Qazaqstan jaıly býklettermen bólisti.
