Elordalyq sportshylar Azııa paraoıyndarynan 13 medal oljalady
ASTANA. QazAqparat - 17-shi Azııa paraoıyndary qazaqstandyq sportshylar úshin tabysty boldy. Qazaqstan Ońtústik Koreıanyń Inchhon qalasynda ótken paraoıyndarynda 24 medal oljalap, Qytaıda ótken oıyndarǵa qaraǵanda úsh ese artyq júlde (onda komanda 7 medal alǵan) ıelengen. Para oıyndardyń qorytyndysy boıynsha qazaqstandyq qurama jalpy komandalyq esepte 11-shi oryn aldy, dep habarlady astana.kz.
24 medaldiń 13-i elordalyq sportshylardyń enshisinde. Atap aıtqanda, bes altyn, bes kúmis jáne úsh qola júlde. Sportshylar - «Qaısar» sport klýbynyń tárbıelenýshelileri. «Qaısar» - múmkindigi shekteýli jandarǵa arnalǵan elimizdegi alǵashqy arnaıy klýb. Mekeme 12 jyldan beri múgedekterdi áleýmettik beıimdeýge zor úlesin qosyp keledi. Klýbtyń quramyna 13 sport túrimen shuǵyldanatyn 352 adam kiredi.
