Elordalyq sportshylar AQSh-ta bessaıystan Álem kýbogynda qola medal jeńip aldy
ASTANA. QazAqparat - 20-27 aqpan aralyǵynda AQSh-tyń Los-Andjeles qalasynda qazirgi zamanǵy bessaıystan Álem kýbogynyń birinshi kezeńi aıaqtaldy. Aýqymdy sharada elimizdiń atynan Astana qalasy ákimdiginiń mamandandyrylǵan joǵary sporttyq sheberlik mektebiniń sportshylary Pavel Ilıashenko, Vladıslav Sýharev, Elena Potapenko óner kórsetti, dep habarlaıdy qalalyq ákimdiktiń baspasóz qyzmeti.
Sportshylar sońyna deıin tyrysyp, jarystyń 36 úzdik atletiniń qatarynan kórinip, aqtyq synǵa shyqty. Álem kýbogynyń birinshi kezeńiniń nátıjesi boıynsha elordalyq sportshylar qolaǵa qol sozdy.
Sońǵy jarys kúni «MIX» estafetasy ótip, Elena Potapenko men Vladıslav Sýharevtan quralǵan komanda qola júldege qol jetkizdi.
Bul jarysta sportshylar álem kýbogynyń fınaly men álem chempıonatyna qatysýǵa upaılar jınady.
