Elordalyq sportshy-polıtseı dúbirli dodada jaqsy nátıje kórsetti, qorjynda - kúmis
ASTANA. 16 qarasha. QazAqparat - Astana qalasy ІІD bastyǵy, polıtsııa general-maıory Marat Demeýov Tashkent qalasynda ótken Álem chempıonatynda sambodan kúmis júldemen oralǵan «Arlan» arnaıy maqsattaǵy bólimshesiniń aǵa ınspektory polıtsııa aǵa leıtenanty Álııa Jylqybaevany quttyqtady, dep habarlaıdy ІІD baspasóz qyzmetinen Áıgerim Muqanova.
Taıaýda Ózbekstannyń Tashkent qalasynda sambodan ótken dúbirli dodada 25 memlekettiń sportshylary qatysqan bolatyn.
Astana qalasy ІІD «Arlan» arnaıy maqsattaǵy bólimshesiniń aǵa ınspektory polıtsııa aǵa leıtenanty Álııa Jylqybaeva osy jarysta sambodan kúmis júldeni ıemdense, onyń aqtóbelik áriptesteri qola medaldi qanaǵat tutty.
72 keli salmaqtaǵy Jylqybaeva alǵashqy synda Ózbekstan eliniń sportshysymen, ekinshi márte túrkimenstandyq áriptesimen synda jeńiske ıe bolady. Fınalǵa júlde alý úshin ıspandyq sportshymen básekege túsip, 5:1 esebimen taǵy da juldyzy janady. Al fınalǵa shyqqanda bir orynǵa talas kezinde reseılik áriptesinen jeńilis tapty.
Bul sambo kúresi boıynsha halyqaralyq sport sheberi, dzıýdodan sport sheberi Álııanyń alǵashqy jeńisi emes, 2009 jyly Ózbekstan eliniń astanasy Tashkent qalasynda ótken sambo kúresinen Azııa chempıonatynda Qazaqstanǵa 1 oryndy alyp kelse, sol jyldyń jeltoqsan aıynda Grek elinde ótken sambo kúresinen álem chempıonatynda 3 oryndy qorjynyna salyp qaıtty.
Shyraıly Shymkent qalasynda dúnıege kelgen Álııa 13 jasynan bastap sportqa áýes bolady. Keıin atalmysh qalanyń Qazaq-túrik ýnıversıtetiniń dene shynyqtyrý bólimine oqýǵa túsip, ómirin sportqa arnaıdy.
Qazirgi polıtsııa aǵa leıtenanty ózi isiniń sheberi ǵana emes, elordalyq saqshylardyń abyroıyn asqaqtatyp júrgen sportshy jattyqtyrýshylary «Arlan» arnaıy maqsattaǵy bólimshesiniń komandıri polıtsııa polkovnıgi Dáýlet Temirhanov pen Ahat Áshirovty ómirlik ustazdary retinde pir tutady.
Sporttyń qaı túrin bolmasyn meńgerý búgingi polıtsııa qyzmetkeriniń el aldyndaǵy boryshyn atqarý, qoǵamdyq tártipti qorǵaý, quqyq buzýshylyqty boldyrmaý, azamattardyń zańdy múddelerin qorǵaý kezinde asa qajet. Qyraǵylyq, kúshtilik, tózimdilik - osy qasıetterdiń barlyǵy ishki ister organdary qyzmetkeriniń boıynan tabylýy tıis.
