Elordalyq sportshy arý taý shyńyn baǵyndyrdy
ASTANA. QazAqparat - «Jiger» sporttyq klýbynyń tárbıeshisi - Kıra Fedorova alpınıster arasynda taý shyńyn baǵyndyrǵan alǵashqy áıel adam atandy. Ol 7134 metrdi baǵyndyrdy, dep habarlaıdy qala ákimdiginiń saıty .
Esterińizge sala keteıik, 1-21 tamyz aralyǵynda alpınızmnen QR chempıonaty ótti. Kıra Fedorova ózge de sportshylarmen chempıonatqa qatysyp, Lenın shyńyn baǵyndyrdy.
Lenın shyńy - Qyrǵyzstan men Tájikstan shekarasy arasynda Pamır taýynyń júıesinde ornalasqan. 7 134 metrlik taý Zaalaı jotasynyń eń bıik shyńy ári bolyp tabylady. Óz kezeginde ol Qyrǵyzstannyń jetimyńynshy úshinshi shyńy bolyp tabylady. Basqa eki jetimyńynshy - Jeńis shyńy (7439 m) jáne Han-Táńiri shyńy (7010 m) bıiktikti súıetin sportshylar arasynda keńinen tanymal. Degenmen Lenın shyńy buqaralyq alpınızm úshin qoljetimdi.
Taýǵa shyǵýǵa TMD, Eýropa, AQSh elderinen 300-den astam alpınıst qatysty. Onyń ishinde 10 qazaqstandyq sportshy bar. Aıta keteıik, elordalyq «Jiger» klýbynan 4 sportshy qatysty.
