Elordalyq sheneýnikter qala turǵyndary úshin aqysyz kóshpeli konsýltatsııalar júrgizdi
ASTANA. 4 mamyr. QazAqparat - Astanalyq sheneýnikter men zańgerleriniń toby qala turǵyndary úshin aqysyz kóshpeli konsýltatsııalar jasady. Bul týraly búgin ótken baspasóz máslıhatynda Astananyń ádilet departamentiniń bastyǵy Qanat Mýsın aıtty.
Aqparattyq-nasıhattaý toby ádilet, sot oryndaýshylary, notarıýs qyzmetkerlerinen, advokattardan, Jyljymaıtyn múlik ortalyǵy ókilderinen, jer qatynastary, kóshi-qon polıtsııasy, eńbek jáne áleýmettik baǵdarlamalar, bilim berý mekemeleri ókilderinen quraldy.
«Biz azamattarǵa tegin keńes berý, zeınetkerler men múgedekterdi, jetim balalardy, kóp balaly otbasylardy jáne basqa da quqyqtyq kómekti qajet etetin azamattardy qoldaý maqsatynda «Ádilet konsýltatsııa beredi» atty aktsııany toqsan saıyn ótkizip turamyz»,-dedi Q. Mýsın.
Sońǵy eki kúnde mamandar elordanyń birqatar aýdandary men qala mańyndaǵy eldi mekenderde, sondaı-aq túzetý mekemelerinde boldy. Búgin bul top ádilet departamentinde konsýltatsııalar ótkizýde. Aldyn ala málimetter boıynsha búgingi aktsııa barysynda 200 adam quqyqtyq keńes alǵan kórinedi.
